Bina Internet Ke Mobile Se Paise Bhejne Ka Tarika (Asaan Mobile Account Code 2026)

Introduction (Taaruf)

Table of Contents

Aaj kal ke daur mein har koi online banking aur mobile apps (jaise EasyPaisa, JazzCash) ka istemal kar raha hai. Lekin sabse bada masla tab aata hai jab aap kisi aise ilaqa mein hon jahan internet ke signals na hon, ya aapka internet package khatam ho jaye, ya phir aapke paas chota (button wala) mobile phone ho.

Kya aap jaante hain ke aap bina internet, bina kisi smartphone, aur bina kisi banking app ke bhi apne mobile se kisi ko bhi paise bhej sakte hain aur mangwa sakte hain? Ji han! Government of Pakistan aur State Bank ne aam logon ki asani ke liye Asaan Mobile Account (AMA) ka aghaaz kiya hai. Is guide mein hum aapko bina internet ke paise bhejne ka 2026 ka bilkul naya aur mukammal tarika batayenge.

Asaan Mobile Account (AMA) Kya Hai?

Asaan Mobile Account ek aisi digital banking sahulat hai jo baghair internet ke sirf ek USSD code ke zariye kaam karti hai. Jab aap bina internet ke mobile banking istemal karna seekh jate hain, toh aap ghar baithe online paise kamana bhi shuru kar sakte hain. Agar aap apne mobile se rozana surveys aur chote tasks poore karke dollars kamana chahte hain, toh hamari mukammal guide ySense Se Paise Kamane Ka Tarika laazmi parhein, jahan se kamaye hue paise aap direct apne mobile wallet mein nikalwa sakte hain Is account ko banane ke liye aapko na toh kisi bank jane ki zaroorat hai aur na hi kisi lambe paper work ki. Aap Pakistan ke kisi bhi mobile network (Jazz, Telenor, Zong, Ufone) se sirf ek code dial kar ke apna account khol sakte hain aur poore Pakistan mein paise bhej sakte hain.

Bina Internet Account Banane Ka Tarika (Step-by-Step)

Asaan Mobile Account AMA Registration Code Step by Step — *2262# dial kar ke 2 minute mein Asaan Mobile Account kholne ka mukammal tarika.

Agar aapka account pehle se nahi bana hua, toh aap apne kisi bhi simple ya button wale mobile se darj-zail steps follow kar ke 2 minute mein account bana sakte hain:

Step 1: Code Dial Karein

Apne mobile ke dialer mein jayein aur *2262# dial karein.

Step 2: Bank Select Karein

Code dial karte hi aapki screen par ek menu aayega jahan Pakistan ke mukhtalif banks (jaise Mobilink Microfinance Bank/JazzCash, Telenor Bank/EasyPaisa, Ubank, wagera) ki list hogi. Aap jis bank mein account kholna chahte hain, uska number likh kar Send karein.

Step 3: CNIC Verification

Ab aap se aapka Shanaxti Card (CNIC) number manga jayega. Apna 13 hiyoson ka CNIC number bina dash (-) ke likhein aur send kar dein.

Step 4: Paidaish ki Tareekh (Date of Birth)

Iske baad aap se aapki tareekh-e-paidaish mangi jayegi (jaise DD-MM-YYYY). Apni sahi malomat darj karein jo CNIC par likhi ho.

Step 5: PIN Code Set Karein

Aakhir mein aapko apne account ki hifazat ke liye 4 ya 5 hiyoson ka ek khufia PIN code set karna hoga. Ye PIN code aapko hamesha yaad rakhna hai kyunke har dafa paise bhejtay waqt iski zaroorat hogi.

Mubarak ho! Aapka Asaan Mobile Account bina internet ke khul chuka hai.

Bina Internet Ke Paise Kaise Bhejein?

How to Send Money Without Internet Menu Settings Pakistan — Bina internet ke paise bhejne ka USSD menu interface aur transaction ka asaan tarika.

Account banne ke baad, jab bhi aapko kisi ko paise bhejne hon aur aapke paas internet na ho, toh ye aasan steps follow karein:

Apne mobile se dobara *2262# dial karein.
Screen par aane wale menu mein se “Send Money” (Paise Bhejein) ka option select karein (Amooman ye number 1 par hota hai).
Ab select karein ke aap paise kahan bhejna chahte hain:
- To Mobile Wallet (EasyPaisa/JazzCash)
- To CNIC (Shanaxti Card Par)
- To Bank Account (Kisi bhi Commercial Bank mein)
Jis bande ko paise bhejne hain, uska Mobile number ya Bank Account number darj karein.
Jitni raqam (Amount) bhejni hai, wo likhein.
Aakhir mein apna khufia PIN Code darj karein aur Send par click kar dein. Raqam foran doosre bande ko transfer ho jayegi aur aapko tasdeeqi SMS mil jayega.

Asaan Mobile Account Ke Faide

Asaan Mobile Account Benefits and Charges 2026 — Asaan Mobile Account (*2262#) ke faide, zero hidden charges aur security features ka khulasa.

Internet ki Zaroorat Nahi: Yeh service 100% baghair internet ke chalti hai.
Har Mobile Par Khas: Iske liye kisi mehenge touch mobile ya smartphone ki zaroorat nahi, saste button wale mobile par bhi perfect kaam karta hai.
Zero Hidden Charges: Account kholne ya balance check karne ke koi charges nahi hain.
Bina Biometric Limit: Aap mahana 50,000 rupaye tak ka len den asani se kar sakte hain.

AsaanGuide Expert Opinion:

Yeh un logon ke liye ek behtareen tech tip hai jo gaon ya aise ilaqon mein rehte hain jahan internet ke signals ka masla rehta hai. *2262# ka code un aam dukaandaron aur logon ke liye ek maseeha hai jo mushkil banking apps se jaan churana chahte hain.